Жапонияда инфляция деңгейі 1991 жылдан бері алғаш рет қатты көтерілді
Сурет: pixabay
Бағаның өсуіне жапон ұлттық валютасының рекордтық төмен бағамынан энергия құнының өсуі себеп болды. Жұма, 21 қазандағы аукционда бір доллардың бағасы 150,14 - 150,17 иен болды.
3% болуы Жапония банкі белгілеген 2% инфляция жоспарынан асып түседі. 1991 жылдың тамызынан бері алғаш рет баға 3% көтерілді.
Ішкі істер және коммуникациялар министрлігі салықтардың өсуін ескере отырып инфляцияның негізгі көрсеткіші ең үлкен өсімді көрсетті деп мәлімдеді. Бұл туралы Kuodo агенттігі жазды.
Тұтынушылар азық-түлік пен басқа да күнделікті заттарды сатып алуды тоқтата алмайды, сондықтан олар ойын-сауық сияқты қызметтерге жұмсалатын шығынды қысқартады. Бұл COVID-19 әсерінен кейін қалпына келуі керек қызмет көрсету секторына соққы болуы мүмкін.Daiwa Securities компаниясының бас экономисі Тору Суэхиро
Министрлік мәліметтері тез бұзылмайтын азық-түлік тауарларының бағасы 4,6% қымбаттағанын көрсетті.
Энергия құны 16,9% өсті. Электр қуаты мен қала газы бензинге қарағанда жылдам өсіп жатыр.
Әлсіз иен, жоғары шикізат және көлік шығындары тұрмыстық техниканың бағасын көтерді. Мысалы, кондиционерлер 11,3% қымбаттаған.
Үкімет коммуналдық төлемдердің өсуіне байланысты үй шаруашылықтарының ауыртпалығын жеңілдету үшін экономикалық пакет әзірлеп жатыр.
