Өзбекстанда түнде Қорғаныс министрлігінің қоймасында жарылыс болды

22 қазанда түнде Өзбекстанның Сырдария облысындағы әскери қоймада жарылыс болды, деп хабарлайды Zakon.kz.

Өзбекстан Қорғаныс министрлігінің баспасөз қызметінің хабарлауынша, 22 қазан күні сағат 4:55-те Сырдария облысындағы Мәлік ауылындағы әскери қоймада жарылыс болды.

Ведомствоның мәліметінше, зардап шеккендер жоқ. Қазір оқиғаның мән-жайы анықталып жатыр.

Gazeta.uz басылымының жазуынша, жергілікті тұрғындар жер сілкінісіне ұқсас дүмпуді естіген. Көшеде ағаштар тербеліп, тесік-терезелер ашылған, көптеген үйлер мен дүкендердің терезелері сынып, кейбірі қираған.