21 қыркүйектен бері Қазақстанда шетелдіктерден ЖСН алуға 200 мыңға жуық өтініш түскен

ХҚКО, сурет - Zakon.kz жаңалық 26.10.2022 10:38

Сурет: gov4c.kz

Елімізде ЖСН алғысы келетін шетелдік азаматтар саны - 200 мыңға жуық. Бұл туралы Мәжіліс отырысында Цифрлық даму, инновациялар және аэроғарыш өнеркәсібі вице-министрі Әсет Тұрысов айтты, деп хабарлайды Zakon.kz.

Вице-министр мобилизация жарияланғаннан бері қанша Ресей азаматы ЖСН алғанын нақтылауға уәде берді.

21 қыркүйектен бүгінге дейін "Азаматтарға арналған үкімет" мемлекеттік корпорациясына 200 мыңға жуық өтініш түскен. Өтініштің барлығы дерлік шетелдіктерден. Ал берілген ЖСН үшін Ішкі істер министрлігіне хабарласқан дұрыс.Әсет Тұрысов

Бұған дейін Цифрлық даму, инновациялар және аэроғарыш өнеркәсібі министрлігі жеке сәйкестендіру нөмірін алу үшін шетелдік азаматтарға төлқұжаттың түпнұсқасы ғана қажет екенін айтқан еді. Өндіріс уақыты - бір жұмыс күні.

ЖСН бейрезиденттерге еңбек шартын жасасу, қызмет көрсету үшін қаражат алу, әкімшілік жауапкершілікке тарту, салық есебін жасау, түрлі банктік және басқа операцияны жүргізу үшін қажет.

Оқи отырыңыз