Си Цзиньпин біржақты санкцияларды алып тастауға шақырды

Си Цзиньпин, Ресей, санкция, сурет - Zakon.kz жаңалық 15.11.2022 14:26

Сурет: fmprc.gov.cn

Сейсенбі, 15 қарашада G20 саммитінде Қытай төрағасы Си Цзиньпин мәлімдеме жасады. Ол "әлем азық-түлік пен энергетика мәселелерін саясиландыру әрекеттеріне табанды түрде қарсы тұруы керек" екенін айтып, біржақты санкцияларды алып тастауға шақырды, деп хабарлайды Zakon.kz.

Global Times басылымының жазуынша, ол "азық-түлік және энергетикалық қауіпсіздік жаһандық даму саласындағы ең өзекті мәселелер" екенін тілге тиек етті.

Си Цзиньпин қазіргі дағдарыстың басты себебі өндіріс пен сұраныстағы проблемалар емес, жеткізу тізбегіндегі проблемалар мен халықаралық ынтымақтастықтың бұзылуы екенін атап өтті.

Оның пікірінше, бұл жағдайдан шығудың жолы – барлық елдер үшін Біріккен Ұлттар Ұйымымен және басқа да көпжақты халықаралық ұйымдармен келісе отырып, нарықты қадағалау және реттеу саласындағы ынтымақтастықты нығайту.

Сондай-ақ, Си Цзиньпин тауарға қатысты серіктестік орнату, ашық, тұрақты тауар нарығын дамыту, жеткізілім тізбегі мен нарықтық бағаны бірлесіп тұрақтандыру қажет екенін баса айтты.

Ол сондай-ақ біржақты санкциялар мен техникалық ынтымақтастыққа қойылған шектеулерді алып тастауға шақырды.

15-16 қарашада Индонезияның Бали аралында G20 саммиті өтіп жатыр.

Оқи отырыңыз