Еуропалық Одақтың Қазақстандағы елшісі ел халқын Тәуелсіздік күнімен құттықтады

Еуропалық Одақтың Қазақстандағы елшісі Кестутис Янкаускас Қазақстан халқын Тәуелсіздік күнімен құттықтады. Ол Қазақстанға гүлдену мен ашық аспан тіледі, деп хабарлайды Zakon.kz.

"Құрметті қазақстандықтар! 16 желтоқсан - Тәуелсіздік күні құтты болсын! "Егемен елдің еңсесі биік" деп қазақ бекер айтпаған. Өз тәуелсіздігі, территориялық тұтастығы мен бейбітшілікті бағалайтын Қазақстан әлем аренасында өзіндік орнына ие", - деді Кестутис Янкаускас.

Елші Қазақстанға гүлдену мен ашық аспан, ал Қазақстан халқына ырыс-береке тіледі.

"Еуропалық Одақ пен Қазақстан арасында орнаған серіктестік баянды боларына кәміл сенемін! Мереке құтты болсын!".Еуропалық Одақтың Қазақстандағы елшісі Кестутис Янкаускас