Ұлыбританияда моржға бола отшашу атылмады

Скарборо қаласының қалалық кеңесі моржды қорқытпау үшін жаңа жылдық отшашуға рұқсат бермеді, деп хабарлайды Zakon.kz.

Айлаққа морж өздігінен жүзіп келген. Жануарға Тор деген ат қойылды. Бұл аймақта морждар өте сирек кездеседі, екі жылда мұнда бар-жоғы екі-ақ морж жүзіп келген.

Жануар Канададан жүзіп келуі мүмкін деген болжам бар,оны Хэмпшир жағажайынан көргендер бар.

Қалалық кеңес Британдық Divers Marine Life Rescue (британдық қайырымдылық) ұйымымен кеңесіп, моржды үркітпеу үшін отшашуды тоқтату туралы шешім қабылдады.