Иранда жер сілкінді: үш адам қаза тауып, 800-ден астам адам зардап шекті

Иранның солтүстік-батысында Батыс Әзербайжан провинциясында жер сілкінді. 816 адам зардап шегіп, үш адам опат болды, деп хабарлайды Zakon.kz.

IRNA агенттігінің хабарлауынша, 124 адам ауруханаға жатқызылған. Билік бұған дейін екі қала мен 70 ауылдағы тұрғын үйдің біраз бөлігі (20-50%-ы) қирағанын хабарлаған. 

28 қаңтарда Иранның солтүстік-батыс бөлігінде болған жер сілкінісінің магнитудасы – 5,9. IRNA мәліметінше, жер тербелісін провинция тұрғындарының көбі сезген.