Ресейлік блогер Илья Варламов шетел агенті деп танылды

Ресей, шетел агенті, сурет - Zakon.kz жаңалық 24.03.2023 13:41

Сурет: Instagram/varlamov

Ресей Федерациясы Әділет министрлігінің мәліметінше, Илья Варламов "мемлекеттік органдар қабылдаған шешімдер мен олардың саясаты туралы жалған ақпарат таратып, шетелдік көздерден қолдау алған ", деп хабарлайды Zakon.kz.

Ресей Федерациясының Әділет министрлігі бірқатар ресейлікке шетел агенті мәртебесін беру жөніндегі ақпаратты жариялады.

Тізімде блогер Варламовтан басқа қоғам қайраткері Светлана Лада-Русь (Пеунова), Қазандық саясаттанушы Руслан Айсин, "Дождь" телеарнасының экс-журналисті Богдан Бакалейко және ЛГБТ қатынастарын насихаттаған "Парни плюс/Парни+" бірлестігі бар.

Илья Варламовтың өзі "бұл мәртебе жақсы емес екенін" мойындады.

"Шетел агенттіктері туралы заң репрессивті екені бірнеше рет айтылғандықтан, ол өміріңді және кез келген қоғамдық қызметті қиындатады. Маған да, командама да жұмыс істеу қиындай түседі. Бұрынғыша жұмыс істей алмаймыз". Илья Варламов

Илья Варламов Қазақстанға бірнеше рет келген. 2018 жылы Алматыға келіп, қала құрылысы саласында жүргізіліп жатқан реформаларға баға берді. 2021 жылдың 6 қазанында блогер Түркістанға барып, Керуен-Сарай кешенінің туристік нысандарына баға берді, бірақ туристердің аздығына таң қалды. Сондай-ақ ол нысан күзеті суретке түсуге тыйым салатынына ашуланды. Кейін облыс әкімінің орынбасары Сәкен Қалқаманов Варламовпен кездесіп, экскурсия жасады.

Оқи отырыңыз