Қазақстан азаматтары Алматыдан Самарқанға тікелей рейспен ұша алады

18 наурыздан бастап Алматы мен Самарқан арасында тікелей әуе қатынасы қалпына келтірілді, деп хабарлайды Zakon.kz.

Ұшу аптасына екі рет FlyArystan компаниясының (сәрсенбі және сенбі күндері) А-320 типті ұшақтары арқылы жүзеге асады.

Азаматтық авиация комитетінің мәліметінше, бұл халықаралық бағыттың қайта іске қосылуы Қазақстан мен Өзбекстан арасындағы сауда-экономикалық, мәдени және туристік қарым-қатынастарды одан әрі дамытуға ықпал етеді.

Қаңтар айының соңында қазақстандықтар БАӘ-ге жиі ұша алатыны белгілі болды. 22 қаңтардан бастап Wizz Air Abu Dhabi лоукостер әуекомпаниясы Абу-Даби мен Алматы қалалары арасындағы рейстер санын аптасына 3-тен 4 рейске дейін (сейсенбі, бейсенбі, сенбі және жексенбі) арттырды. Ұшулар Airbus A320/A321 типті ұшақтары арқылы жүзеге асады.