Финляндияның НАТО-ға кіретін күні белгілі болды

НАТО бас хатшысы Йенс Столтенберг Финляндияның 4 сәуірде НАТО-ға кіретінін мәлімдеді, деп хабарлайды Zakon.kz.

Бұл туралы ол альянс сайтындағы тікелей эфирде айтты.

"Финляндия альянсқа 4 сәуірде кіреді. Ел туы НАТО-ның Брюссельдегі штаб-пәтерінде көтеріледі", - деді Столтенберг.

Финляндия мен Швеция Украинадағы соғыс басталғаннан кейін НАТО-ға кіруге өтініш берген. 

Айта кетейік, Түркия альянстағы 30 мүшенің ішінде Финляндияның мүшелігін мақұлдаған соңғы ел болды.