"Полиция, шіркеу ғимараттары өртенді." Франция халқы тағы көтеріліп кетті
Сурет: Twitter/RadioGenova
BFM телеарнасы құқық қорғау органдарының мәліметтеріне сүйене отырып, Парижде стихиялық наразылық акциясына 4 мыңға жуық адам қатысқанын хабарлады. Наразылық білдірушілердің бірнеше тобы ел астанасының мэрия ғимаратының жанына жиналды. Олар қоқыс жәшіктерін, сырттағы орындықтарды, велосипедтерді өртеп жіберді. Полиция көзден жас ағызатын газды қолдануға мәжбүр болды.
Агрессивті демонстранттар полиция бөліміне шабуыл жасап, алдыңғы есікті өртеген. Нант орталығында трамвай жолдарында өрт болды, префектура ғимаратында полициямен қақтығыстар орын алды. 2,3 мыңға жуық наразылық білдірушілер Тулузада да көшеге шықты. Жаппай шеру Дижон, Страсбург, Марсель және Лион қалаларында да өтті, онда да құқық қорғау органдары көзден жас ағызатын газды қолданды
Республиканың ішкі істер министрі Жеральд Дарманеннің айтуынша, наразылық білдірушілер Ренндегі шіркеуге де шабуыл жасаған.
A slaughter. Macron is a real psychopathic criminal. pic.twitter.com/rkULLvDNhm
— RadioGenova (@RadioGenova) April 13, 2023
"Бүгін түнде Реннде полиция бөлімшесі мен шіркеуге бұзақылардың жасаған шабуылдары барып тұрған бассыздық", - деп жазды ведомство басшысы Twitter-де. Сондай-ақ ол кінәлілер жауапқа тартылатынын ескертті.
Deutsche Welle басылымы Парижде 112 адам ұсталғанын хабарлады.
Бұл - Францияда зейнетақы реформасына қарсы 12-ші мәрте өткізіліп отырған жалпыхалықтық көтеріліс. Реформаны қабылдау қарсаңында өткізілгендіктен бұл жолғысы аяусыз басып-жаншуға ұшырады.
FRANCE - Paris burns as the people lose their final legal battle against the State.
— Bernie's Tweets (@BernieSpofforth) April 14, 2023
I don’t think they care about legal, now they know the law doesn’t care about them 🔥
pic.twitter.com/hArOHeoSIH
Жұма күні Франция Конституциялық кеңесі зейнетақы реформасының негізгі ережелерін, соның ішінде 2030 жылға қарай зейнетке шығудың ең төменгі жасын 62 жастан 64 жасқа дейін көтеруді заңды деп таныды.
