Австрияда қазақ тілін үйренуге қызығушылық артқан
Сурет: pixabay
Алайда ерікті педагогтар жүргізетін тегін курсқа күтпеген жерде тамыры қазақ деген 19 ғасырдан бері көшіп кеткен бауырлар да келе бастады. Көбінің қаны араласып, есімі қытайша, түрікше болғанмен, олар қанша жерден жырақта, елден елге көшіп жүрсе де, қан тартып тұрады.
Қазақ тілінен сабақ беретін Анар Әділбекованың айтуынша, олардың тіл деңгейі әртүрлі болғанмен, қызығушылығы зор. Кейбір оқушылар қазақ тілін генетикалық тұрғыда ұмытса да, бар ынтасымен оқиды, сол арқылы түпкі тамырын тапқысы келеді. Анар Әділбекова,
"Негізі, біз кәсіби педагог емеспіз, біз - еліміз бен дәстүріміздің дамуына үлес қосуды көздеген қарапайым еріктіміз. Сабағымызда “Тіл Қазына” ғылыми орталығының әдістемесі мен оқулығын қолданамыз. Тіл үйренемін деген адамға қазір оқу алаңы, сайт, арна, қосымша дегеннің түрі көп, біз солардың бәрін сабақта қолдана отырып музыка тыңдаймыз, кітап оқимыз. Болашақта оқушыларымыз қазақтың көрнекті жазушылары мен ақындарының тамаша туындыларын тамсана оқи алатындай қазақшаны жетік меңгереді деп үміттенемін", - дейді Анар Әділбекова.
Барлық оқушы неміс тілінде сөйлейді, сондықтан дәріс немісше жүреді. Edu Stream мектебі сабақпен қатар Қазақстанның барлық мерекесін белсенді түрде атап өтеді. Бұл да өз кезегінде салтымыз бен дәстүрімізді насихаттаудың бір жолы. Енді қазақ тіліне Еуропаның өзге елінде тұратын этникалық қазақтар қызығушылық танытқандықтан, бұл курсты жалпы еуропалық сабаққа айналдыру жоспарда бар.
