Өзбекстанда кезектен тыс президент сайлауы өтіп жатыр
Сурет: uzlidep.uz
Өзбекстанның ОСК деректері бойынша, сайлаушылар тізіміне 19 млн 593 мың 838 азамат енгізілді, 14 округтік сайлау комиссиясы, 10 784 сайлау учаскесі құрылды. Шетелде жүрген өзбекстандықтар үшін 39 елде 56 сайлау учаскесі ашылды. Қазақстан территориясында, атап айтқанда Астана, Алматы және Ақтау қалаларындағы Өзбекстанның дипломатиялық өкілдіктерінде сайлау учаскелері ашылды.
Сайлауға төрт үміткер қатысады. Экологиялық партия өз көшбасшысы Абдушукур Хамзаевты, Халықтық-демократиялық партия өз көшбасшы Ұлықбек Иноятовты, "Адолат" социал-демократиялық партиясы - Жоғарғы Сот төрағасының бұрынғы бірінші орынбасары Робахон Махмудовты, ал "Ұзлидеп" басқарушы партиясы - қазіргі президент Шавкат Мирзиёевті ұсынды, деп хабарлайды gazeta.uz.
Сайлауда жеңіске жету үшін үміткер 50 пайыздан астам дауыс жинауы керек. Дауыс берушілердің сайлауға келу шегі 33% құрайды. ОСК сайлаудың алдын ала қорытындыларын 10 шілдеде жариялайтынын хабарлады.
Айта кетсек, бұл - Өзбекстанның жаңа Конституциясы күшіне енгеннен кейін өткізіліп тұрған алғашқы сайлау. Енді президенттік мерзім бес жылдан жеті жылға дейін ұзартылады. Өзбекстанның Ата заңын қайта қабылдау Республиканың қазіргі басшысы Шавкат Мирзиёевтің осы лауазымға қайта сайлануына мүмкіндік беріп отыр.
Бұған дейін Өзбекстан президенті Шавкат Мирзиёевтің Мемлекет басшысының мерзімінен бұрын сайлауы өткізілетінін жариялап, оның уақытын 2023 жылдың 9 шілдесі деп белгілегені хабарланған болатын.
