Қытайда пара алған шенеунік өлім жазасына кесілді

Қытайдың Ханчжоу қаласында жоғары лауызымды шенеунік өлім жазасына кесілді, деп хабарлайды Zakon.kz.

Ханчжоу қаласында Қытай Коммунистік партиясының жоғары лауазымды қызметкері 182 миллион юань (25 млн доллар) пара алды деген айыппен өлім жазасына кесілді, деп мәлімдеді "Астана" телеарнасы.

Шенеунік жер мәселесін шешу үшін ұйымдар мен жеке тұлғалардан ақша алған.

Алайда жергілікті БАҚ 56 жастағы партия қызметкеріне кесілген өлім жазасы өмір бойына бас бостандығынан айыру жазасына ауыстырылуы мүмкін екенін жазды. Бұл жағдайда ол өмір бойына саяси құқықтарынан айырылады, мүлкі тәркіленеді.