9 шетел азаматы Қазақстан арқылы Еуропаға заңсыз өтпек болған
Сурет: ҚР ҰҚК
Батыс Қазақстан облысында ҰҚК шекарашылары тоғыз адамды ұстады. Олар шекара асып, Еуроодақ елдеріне кіруге үміттенген, деп хабарлайды Zakon.kz.
ҚР ҰҚК баспасөз қызметінің хабарлауынша, 11 тамызда ҰҚК Шекара қызметінің Батыс Қазақстан облысы бойынша департаментінің әскери қызметкерлері ҚР мемлекеттік шекарасын бұзушы тоғыз адамды ұстады. Шетелдіктер бақылау-өткізу бекетін айналып өтпек болған. Алдын ала мәлімет бойынша, олардың түпкі мақсаты - Еуропалық Одақ елдеріне жету.
"17 тамызда Батыс Қазақстан облысы Бөрлі ауданының соты құқық бұзушыларды ӘҚБтК-нің 514-бабының 2-бөлігі бойынша жауапкершілікке тартты", - делінген ҰҚК хабарламасында.
Ведомствоның мәліметінше, 2023 жылдың басынан бері БҚО-да шекарадан өту тәртібін бұзған 110 шетелдік ұсталған.
Тамыздың басында БҚО-да мемлекеттік шекараны бұзғаны үшін Қазақстанға турист ретінде заңды түрде ұшып келген және Қазақстан мен Ресей арқылы Еуропаға заңсыз өтпек болған бес шетелдік азаматтың ұсталғаны хабарланған еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
