Алматылық сейсмологтар магнитудасы 5,0 болатын жер сілкінісін тіркеді

8 қыркүйекке қараған түні "СТӘЭ" ЖШС мамандары Алматыдан 661 шақырым жерде болған күшті жерасты дүмпуін тіркеді, деп хабарлайды Zakon.kz.

Жер сілкінісі 8 қыркүйекте Алматы уақыты бойынша 01:26-да тіркелді. Жер сілкінісінің ошағы Алматыдан шығысқа қарай 661 шақырым жерде Қытай аумағында орналасқан.

• жер сілкінісінің энергетикалық класы: 10.7;
• магнитудасы: MPV 5.0;
• тереңдігі: 5 км;
• Сезілгені туралы ақпарат (MSK-64 шкаласы бойынша): жоқ.

ҚР Төтенше жағдайлар министрлігінің "СТӘЭ" ЖШС мамандары 7 қыркүйек күні сағат 00:12-де Алматыдан оңтүстік-батысқа қарай 419 шақырым жерде магнитудасы 4,4 болатын жер сілкінісін тіркеді.