Иракта үйлену тойындағы өрттен жүз шақты адам қаза тапты
Сурет: pixabay
Иракта үйлену тойындағы өрт салдарынан 100-ге жуық адам қаза тауып, 150-ге жуық адам жарақат алды, деп хабарлайды Zakon.kz.
CNN басылымының 27 қыркүйекте жазуынша, Ирактың Ниневия провинциясының солтүстік-шығысындағы әл-Хамдания ауданында үйлену тойы кезінде алапат өрт болды.
Қайғылы оқиғаның себебі отты дұрыс қолданбау болуы мүмкін - тойда отшашулар атылып, көп шам жағылған, деп атап өтті Ирактың Азаматтық қорғаныс министрлігі. Өрттің тез таралып, қаза болғандардың көп болуына мерекелік залдың өрт қауіпсіздігі талаптарына сай келмейтін арзан әрі тез тұтанатын материалдармен безендірілуі себеп болған.
"Өрт тұтанғыш, арзан құрылыс материалдарын қолдану салдарынан ғимараттың ішінара опырылуына әкеліп соқты, ол жалын басталғаннан кейін бірнеше минут ішінде құлады", – деп хабарлады Ирактың Азаматтық қорғаныс министрлігі.
Оқиға орнынан түсірілген суреттерде жергілікті мерекелік залдан көтерілген қалың түтін бағанасы көрінеді. Аман қалған қонақтардың бірі журналистерге қалыңдық пен күйеу жігіттің зардап шекпегенін айтқан.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
