Газа секторындағы аурухана бауырластар зиратына айналуы мүмкін

Палестина, Израиль, Газа секторы, ЦАХАЛ, ХАМАС, Газадағы аурухана, бауырластар зираты, сурет - Zakon.kz жаңалық 03.11.2023 12:34

Сурет: wikimedia

Газа секторындағы ең ірі ауруханалардың бірінде электр қуаты жиі өшіп қалып жатқандықтан, емдеу мекемесіндегі көптеген науқас қайтыс болуы мүмкін, деп хабарлайды Zakon.kz.

3 қарашада CNN арнасының мәлімдеуінше, Израиль әскерлері қоршап алған Газа секторындағы әл-Шифа ауруханасының дәрігерлері науқастар қырылып қалуы мүмкін екенін ескертті. Өйткені электр қуаты жиі сөндіріліп жатыр. Әл-Шифа ауруханасы – Палестина анклавындағы ең үлкен ауруханалардың бірі.

"Электр қуатынсыз бұл аурухана бауырластар зиратына айналады. Егер біз ауыр жарақат алған науқастарды операция бөліміне жібере алмасақ, онда бұл жер адамдарға тек өлу үшін келуге жарамды болады", – деді ауруханада жұмыс істейтін Хасан Абу-Ситтах есімді дәрігер.

Қазір ауруханада дизель отынымен жұмыс істейтін бір ғана генератор бар, оның өзі жеткіліксіз. Электр қуаты бұған дейін де бірнеше рет өшіп қалып, кейбір науқастарға ота жасауға кедергі болды. Ал дәрігерлер аурухананы тастап шығуға немесе эвакуациялануға ниетті емес екенін айтты.

Оқи отырыңыз