Қазақстан сейсмологтары Ауғанстанда жер сілкінгенін анықтады

Қазақстанның ұлттық деректер орталығының мамандары Ауғанстанда магнитудасы 6,1 болатын жер сілкінісін тіркеді, деп хабарлайды Zakon.kz.

Сейсмологтардың мәліметінше, сілкініс Астана уақытымен 15 қараша күні сағат 06:05-те болған. Жер сілкінісінің ошағы Алматыдан оңтүстік-батысқа қарай 844 шақырым жерде.

Эпицентр координаттары:

• солтүстік ендік 36,90 градус, шығыс бойлық 70,80 градус.
• Магнитудасы mb=6,1.
• Энергетика класы K=12,7.
• Тереңдігі h= 109 км.

Бұған дейін 11 қарашада Қазақстан сейсмологтары Тәжікстанда магнитудасы 5,0 болатын жер сілкінісін тіркеген еді. Жер сілкінісінің ошағы Алматыдан оңтүстік-батысқа қарай 836 шақырым жерде Тәжікстан аумағында.