Өзбекстанда әйел адам 7 ай бойы 14 жасар қызды күштеп ұстап, еркектердің астына салған

Жыныстық қатынасқа мәжбүрлеу, Өзбекстан, 14 жасар қыз, сурет - Zakon.kz жаңалық 25.11.2023 15:39

Сурет: freepik

Өзбекстанда Қашқадария өңіріне қарасты Ходжабақ ауылында масқара оқиға орын алды. Мамыр айынан 15 қараша аралығындағы 7 ай бойында 14 жасар қызды әйел адам өз үйінде күштеп ұстап, жыныстық қатынасқа мәжбүрлеген, деп хабарлайды Zakon.kz.

Бұл туралы ақпаратпен Өзбекстанның балалар омбудсмені Сурайе Рахмонова бөлісті.

Осы уақыт бойында әйел адам кәмелетке толмаған қызды әртүрлі еркектермен жыныстық қатынасқа түсуге мәжбүрлеген, деп жазады Telegram-дағы "Новости Кашкадарьи" арнасы.

Бас прокуратура іске ден қойғаннан кейін Н.А-ға қатысты "Он сегіз жасқа толмаған адамға қатысты жасалған адам саудасы" бабы бойынша қылмыстық іс қозғалды. Тергеу шаралары жүзеге асырылып жатыр.

Қараша айының басында Өзбекстанда экс-шенді балалар үйінің тәрбиеленушілерін зорлағаны үшін үш жылға сотталған болатын.

Оқи отырыңыз