Жаңалықтар тізбегі
0

Денсаулық сақтау министрлігі Қытайдағы жаңа вирус туралы қауесетке пікір білдірді

Денсаулық сақтау министрлігі Қытайдағы жаңа вирус туралы қауесетке пікір білдірді Сурет: Алматы әкімдігі
28 қарашада өткен үкімет брифингінде Санитарлық-эпидемиологиялық бақылау комитеті төрағасының орынбасары Зәуре Ахметова Қытайда жаңа жұқпалы вирус анықталды деген қауесетке қатысты пікір білдірді, деп хабарлайды Zakon.kz.

Зәуре Ахметова қазір бүкіл әлемде биологиялық жағдай шиеленісіп тұрғанын хабарлады. Бірақ Қытайдан жаңа вирус табылған жоқ.

"Бұқаралық ақпарат құралдарында жарияланған ресми мәліметтерге сай, ол жерде жаңа немесе белгісіз ауру қоздырғышы табылған жоқ. Демек бұл - өзінің маусымдық сипаты бар кәдімгі классикалық жұқпалы аурулар жағдайы", - деді Зәуре Ахметова.

Оның айтуынша, бұл Қазақстандағы ата-аналардың дүрбелеңге түсуіне негіз болмауы керек. Өйткені уақытылы егу, вакцинациялау балалардың денсаулығын сақтауға көмектеседі.

"Covid кезінде шектеулер болды. Ал оны алып тастағанда бүкіл әлемде жұқпалы аурулардың көбейіп жатқанын байқап отырмыз. Адамдар бір-бірімен көбірек араласа бастады, саяхаттай бастады және қоғамдық орындарға шектеу кезіндегіден жиі баратын болды. Бұл вакцинацияланбаған адамдар арасында жұқпалы аурулардың көбеюіне әкеп соқтырды", - деп түсіндірді Ахметова Зәуре.

27 қарашада Қытай Денсаулық сақтау министрлігі елдің солтүстігінде тыныс алу жолдары ауруларының өршуіне жаңа вирус себеп болды деген ақпаратты жоққа шығарды.

28 қарашада Денсаулық сақтау министрі Ажар Ғиният Қазақстандағы қызылша жағдайына байланысты 30 бала жансақтау бөлімінде жатқанын хабарлады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: