Жаңалықтар тізбегі
0

Түркияда жер сілкінді

Түркия, жер сілкінісі, Бурса Сурет: pixabay
Түркияның солтүстік-батысында магнитудасы 5,1-тең жер сілкінісі болды. Жер сілкінісінің күшеюінен қорыққан жергілікті тұрғындар үрейден үйін тастап қашқан, деп хабарлайды Zakon.kz.

ABC News сайтының жазуынша, 4 желтоқсанда Түркияның солтүстік-батысында магнитудасы 5,1 болатын "орташа күшті" жер сілкінісі тіркелді. Жерасты дүмпулеріне байланысты Гемлик қаласының тұрғындары дүрлігіп, үйін тастап қаша бастады.

Түркияның Төтенше жағдайлар басқармасы жер сілкінісі солтүстік-батыстағы Бурса провинциясында жергілікті уақыт бойынша 10:42-де (Астана уақытымен 13:42) болғанын растады. Жерасты дүмпулерінің ошағы Мәрмәр теңізінде тоғыз шақырым тереңдікте орналасқан. Агенттік қанша адам зардап шеккенін және қанша ғимарат бүлінгенін айтпады.

HaberTurk телеарнасының хабарлауынша, жер сілкінісі Ыстамбұл мен оның маңындағы аймақтарда сезілген. Адамдар күшті жер сілкінісінен қорқып, үйлері мен кеңселерінен қашып кетті.

Ақпан айының басында Түркияның 11 провинциясы мен Сирияның солтүстігінде бірнеше жойқын жер сілкінісі болып, 50 мыңнан астам адам қаза тапты.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: