Жаңалықтар тізбегі
0

Израиль ХАМАС-тың жерасты туннельдеріне теңіз суын жібергелі жатыр

Газа секторы, Израиль, Палестина, соғыс, әскери бекініс Сурет: wikimedia
Израиль әскерлері Газа секторындағы ХАМАС ұйымының жерасты туннельдеріне теңіз суын жібермек. Осылайша олар содырлардың әскери инфрақұрылымын біржола жоюды көздеп отыр, деп хабарлайды Zakon.kz.

The Telegraph басылымының хабарлауынша, 6 желтоқсанда Израиль қорғаныс күштерінің сарбаздары Газа секторында арнайы сорғылар орнатуды бастады, сол арқылы ХАМАС қозғалысының жерасты туннельдерін теңіз суына толтырады. Осылайша, олар 482 шақырымға созылған жерасты өткелдерінің кең жүйесінде жасырылған содырлардың әскери инфрақұрылымын істен шығармақ.

Әл-Шати босқындар лагерінің солтүстігінде орнатылған сорғылар сағат сайын Жерорта теңізінен мыңдаған текше метр суды туннельдерге айдай алады. Бірақ сарапшылар мұндай ауқымды операция Газаны сумен қамтамасыз ету жүйесін бұзатынын ескерткен. Бұған қоса, ХАМАС Израильге бермеген тұтқындарды жер астында ұстап отыр деген қауіп бар.

Бұған қоса сарапшылар теңіз суын жер астынан айдаудан Газа секторының су құбырына келетін зиянды ондаған жылдар бойы жөндеу мүмкін болмайтынын ескертті. Палестиналықтардың келесі бірнеше ұрпағы жер асты ауыз суына қол жеткізе алмайды.

1 желтоқсанда палестиналық радикалдар бітім шартын бұзғаннан кейін Газа секторында ЦАХАЛ мен ХАМАС содырлары арасындағы шайқас қайта басталды. Соғыс қимылдары аяқталғаннан кейін Израиль Газаны қарусыздандырылған аймаққа айналдыратынын мәлімдеді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: