Disney туындыларына ән жазған дарынды автор қайтыс болды

Дисней фильмдерінің Оскар сыйлығының иегері қайтыс болды, сурет - Zakon.kz жаңалық 27.05.2024 13:14

Сурет: thewaltdisneycompany

Дисней Медиа корпорациясының кинофильмдеріндегі әуендердің авторы Ричард Шерман 96 жасында Беверли-Хиллз медициналық орталығында қайтыс болды, деп хабарлайды Zakon.kz.

Бұл туралы компанияның 2024 жылдың 25 мамырында жарияланған мәлімдемесінде айтылған.

Дисней басшысы Боб Айгер Шерманды "Дисней аңызы болу дегенді білдіреді" деп атады. Ол Ричард пен оның ағасы Роберт көптеген көрерменнің жүрегін жаулап алған "сүйікті классиканы" жасағанын қосты.

Ричард Шерман ағасымен бірге "Мэри Поппинс" (1964), "Джунгли кітабы" (1967), "Виннидің шытырман оқиғалары" (1977), "Снупи, қайтып кел!"(1972)," Шарлотта торы " (1973) және басқада туындыларға санудтрек жазған.

Ричард Шерман 96 жаста еді. Оның ағасы Роберт 2012 жылы наурызда 86 жасында қайтыс болды.

Айта кету керек, ағайынды Шермандар "Мэри Поппинс" фильміне арналған ең жақсы әуен үшін екі Оскар сыйлығын жеңіп алды. Мэри Поппинстің саундтректері үшін олар Грэмми сыйлығымен де марапатталды.

1973 жылы олар "Том Сойер" фильміндегі музыкасы үшін Мәскеу кинофестивалінің бас жүлдесін жеңіп алды.

Уолт Дисней компаниясының мәліметі бойынша, ағайынды Шермандар кино тарихындағы басқа ән жазушылар тобына қарағанда кинофильмдерге көбірек музыкалық әндер жазды.

Оқи отырыңыз