Францияда Telegram-ның негізін қалаушы Павел Дуров қамауға алынды
Сурет: X/visegrad24
Бұл ақпаратты алғашқы болып TF1 француз телеарнасы таратты.
Оның Әзірбайжаннан ұшып келген кезінде бірден ұсталғаны айтылады. Ол Францияға жекеменшік ұшағымен ұшып келген.
2021 жылы Дуров Франция азаматтығын алған еді.
Француздық БАҚ оның тұтқындалуын Telegram-да контент модерациясының болмауымен, осыған байланысты кәсіпкердің француз құқық қорғау органдарымен жұмыс істеуге ықылас танытпауымен байланыстырады.
Миллиардер алдағы күндері Франция азаматы ретінде сотталмақ. Оған 20 жыл бас бостандығынан айыру жазасы кесілуі мүмкін. Өйткені оған тағылған алдын ала айыптаулар арасында мынандай ауыр қылмыстар бар:
- терроризм;
- ақшаны жылыстату;
- есірткі трафигі.
Францияның барлау агенттіктері оның қылмыстық қауымдастықтармен, сондай-ақ санкцияға ілінген адамдар мен компаниялармен байланысты хат-хабарларына қол жеткізуге ниетті. Дуров ұстала салысымен, Telegram-да қолданылатын TON және NOT криптовалюталарының бағамы күрт төмендеп кетті. Мысалы, toncoin криптовалюта бағамы бірден 15%-ке төмендеді.
Тамыз айында Telegram TON көмегімен Telegram арналарда монетизациялау жүйесін енгізді.
Бүгін РФ СІМ Павел Дуровтың айналасындағы жағдайға қатысты мәлімдеме жасады.
ТАСС-тың хабарлауынша, дипломаттар бұл мәселеге қатысты өздеріне ешкім көмекке жүгінбегенін, бірақ соған қарамастан Дуровтың айналасындағы жағдайдайларды нақтылауға тырысып жатқандарын нақтылады.
🚨 BREAKING: Founder & CEO of Telegram - Pavel Durov, a Russian national, arrested in France at the airport as he arrived from Azerbaijan. pic.twitter.com/2by2eSrqpV
— Igor Sushko (@igorsushko) August 24, 2024
