Абхазиядағы көтеріліс: оппозиция ел президенті орнынан кетуге келіскенін мәлімдеді

Абхазиялық оппозиционерлер республика басшысы Аслан Бжания өз қызметінен кетуге келіскенін айтты, деп хабарлайды Zakon.kz.

"Республика" Telegram арнасының мәліметінше, Бжания республика президентінің міндетін атқарушы етіп қазіргі вице-президент Бадра Гунбаны тағайындауды сұрады.

Дәл қазіргі уақытта үйлестіру кеңесі, Парламент депутаттары мен қазіргі президент арасында келіссөздер жүргізіліп жатқаны айтылады. Оппозиция екі ұсынысты алға тартты:

• биліктен барлығы кетеді: президент те, вице-президент те, премьер де. Лаша Ашуба парламент спикері ретінде сайлауға дейін президенттің міндетін атқарады.
• президент, вице-президент, премьер-министр кетеді. Президент барлық тараптарды қанағаттандыратын адамды міндетін атқарушы етіп тағайындайды.