Америкада үскірік аяз жүріп, көптен күткен футбол матчы кейінге қалдырылды

КОНКАКАФ чемпиондар кубогы аясында американдық "Интер Майами" және "Канзас-Сити" футбол клубтарының кездесуі қарлы боранға байланысты бір күнге кейінге қалдырылды, деп хабарлайды Zakon.kz.

Кейбір мәліметтерге сәйкес, ойынның бір күнге кейінге шегерілуіне Лионель Мессидің -12℃-тан төмен температурада және ызғырық желде ойнағысы келмеуі себеп болған.

"Интер Майами" клубы матчты ауыстыру туралы шешім тек бір мақсатпен ойластырылғанын мәлімдеді ол – ойыншылар мен жанкүйерлердің қауіпсіздігін қамтамасыз етумен байланысты.

Сондай-ақ, соңғы шешім қабылдаушы тараппен және жергілікті билікпен келісілгені атап өтілді.

Бұған дейін Қазақстан жолдастық кездесуде КХДР құрамасына жол бергендігі хабарланған болатын.