АҚШ-та жеке үй үстіне ұшақ құлады

3 мамыр, сенбіде Калифорнияда бір моторлы шағын ұшақ апатқа ұшырады. Ол Сими-Велли қаласындағы Вуд-Ранч аумағындағы тұрғын үйлердің бірінің үстіне құлады, деп хабарлайды Zakon.kz.

LA Times газетінің хабарлауынша, ұшақ құлағаннан соң өрт бұрқ етіп, қызыл жалынға екі үй бірден оранған.

"Федералды авиация әкімшілігінің мәліметі бойынша, Vans RV-10 ұшағы тізгініндегі ұшқыш жалғыз болған. Марқұмның кім екені айтылмайды", делінген хабарламада.

Апат кезінде екі үйде де адамдар болған, бірақ олар зардап шеккен жоқ.

Small plane Crashes Into Simi Valley Neighborhood In Southern California Damaging Homes And Killing Pilot

Authorities did not release any information about the pilot of the single engine, fixed wing plane, nor did they say what might have caused the plane to crash.#simivalley… pic.twitter.com/EoMazD2m21

— Loose Cannon News (@LooseCannonNews) May 4, 2025

Бұған дейін Орталық Флорида әуежайында Delta Air Lines ұшағы ұшар алдында өртенген болатын. Оқыс оқиға 2025 жылдың 21 сәуірінде болды.