Трамп Киевті Путиннің Түркиядағы келіссөздер туралы ұсынысына келісуге шақырды

Дональд Трамп Украинаны Ресей басшысы Владимир Путиннің Түркияда келіссөздер жүргізу туралы ұсынысына келісуге шақырды, деп хабарлайды Zakon.kz.

Бұл туралы Трамп 11 мамырда өзінің Truth social платформасындағы аккаунтында жазды.

"Президент Путин Украинамен атысты тоқтату туралы келісім жасасқысы келмейді, бірақ оның орнына бейсенбіде Түркияда кездесіп, осы қанды қақтығыстың аяқталуын талқылағысы келеді. Украина бұл келіссөздерге бірден келісуі керек. Кем дегенде, мәміленің мүмкіншілігі анықталады. Егер олай болмаса, еуропалық көшбасшылар мен АҚШ жағдай туралы нақты түсінікке ие болады және соған сәйкес әрекет ете алады", – деп жазды Трамп.

Бұған дейін Ердоғанның Ресей мен Украина келіссөздерін ұйымдастыруға дайын екенін айтқандығын жазған болатынбыз.