Израильдың Иран телеарнасы штаб-пәтеріне әуеден жасаған соққысы тікелей эфирге түсіп қалды

Израиль Иран Ислам Республикасының хабар таратушы IRIB компаниясының ғимаратына әуеден соққы берді. Алдын ала мәліметтер бойынша, бірнеше адам зардап шекті, деп хабарлайды Zakon.kz.

Mehr агенттігінің хабарлауынша, Израиль әуе шабуылының кезекті нысандарының бірі - IRIB штаб-пәтері болды. Шабуыл сәті тікелей эфирге түсіп қалды.  Алдын ала мәліметтер бойынша, Израиль шабуылынан бірнеше адам зардап шеккен.

Алайда, бірнеше минуттан кейін IRIB-тің тікелей эфирі қалпына келтірілді.

Израиль Қорғаныс министрі Исраель Кац ЦАХАЛ-дың Тегерандағы мемлекеттік хабар тарату компаниясының ғимаратына соққы жасағанын растады.

"Иран режимінің үгіт-насихат және арандатушылық ұйымына Израиль қорғаныс армиясы жергілікті тұрғындар эвакуациялағаннан кейін шабуыл жасады", деп The Times of Israel басылымы Кацтың сөзін келтіреді. 

Iranian Radio and Television building on fire following Israeli strikes. pic.twitter.com/5ZoaahZrLt

— Status-6 (Military & Conflict News) (BlueSky too) (@Archer83Able) June 16, 2025

Иран Қарулы Күштері 16 маусымда кешке Израильге зымыраннан соққы жасайтынын ескертті. Осы ескертуден кейін Израильдің Хайфа қаласының маңында дабыл зорайтқыштар үні естілді. Израиль қорғаныс армиясы Ираннан ұшырылған баллистикалық зымырандарды орта жолдан ұстап алуға тырысады. Дабыл белгісі қосылған аудандардағы бейбіт тұрғындарға бомбадан бас сауғалау орындарында болуға нұсқау берілді.