АҚШ өз азаматтарын Израильден эвакуацияламақ

Америка Құрама Штаттары өз азаматтарын Израильден эвакуациялауға шешім қабылдады, деп хабарлайды Zakon.kz.

Бұған дейін елшілік Иранмен қақтығыстың шиеленісуі жағдайында америкалық азаматтарды эвакуациялау немесе елден кетуге тікелей көмектесу мүмкіндігінің жоқтығы туралы айтқанына қарамастан шешім қабылданды. Сәрсенбіде АҚШ-тың Израильдегі елшісі Майк Хакаби Х-дағы парақшасында тиісті мәлімдеме жасады.

Urgent notice! American citizens wanting to leave Israel- US Embassy in Israel @usembassyjlm is working on evacuation flights & cruise ship departures.
You must enroll in the Smart Traveler Enrollment Program (STEP) (https://t.co/rXymPRTQJJ) You will be alerted w/ updates.

— Ambassador Mike Huckabee (@GovMikeHuckabee) June 18, 2025

"Шұғыл хабарлама! Израильден кеткісі келетін АҚШ азаматтары. АҚШ-тың Израильдегі елшілігі эвакуациялық рейстер мен круиздік кемелер арқылы эвакуация ұйымдастыруда. Сіздерге Smart Traveler Enrollment Program (STEP) жүйесінде тіркелу қажет. Ақпарат беріліп отырады", – деп жазды елші.

Еске салсақ, 13 маусымға қараған түні Израиль Иранға қарсы ауқымды әскери операция бастады. Израильдің ӘӘК ядролық бағдарламаға қатысты нысандарды қоса алғанда, стратегиялық инфрақұрылымдарға соққы жасады. Израиль билігінің айтуынша, шабуылдың мақсаты – ядролық қауіптің алдын алу: барлау мәліметтері бойынша Иран ядролық қару жасау шегіне жеткен.