Хиджабсыз жүгірді: Иранда марафон ұйымдастырушылары қамауға алынды

Иран билігі марафонға қатысқан әйелдер хиджабсыз жүгіргені үшін шара ұйымдастырушыларын қамауға алды, деп хабарлайды Zakon.kz.

Өткен жұмада Иранның оңтүстігіндегі Киш аралында өткен марафонға екі мың әйел мен үш мың ер адам қатысты. Қызыл футболка киген кейбір әйелдер хиджабсыз немесе бас киімсіз жүгірген.

Ирандық журналист Масих Алинеджад жариялаған кадрларда хиджабсыз жүгірген әйелдердің көптігі байқалады. Оның айтуынша, ұйымдастырушылар марафонды тоқтатуға тырысқан, бірақ бұл әрекеті сәтсіз аяқталған.

Iran’s Athletics Federation tried to stop the marathon because women refused to wear hijab, and failed.
5,000 runners on Kish Island said "No" to forced veiling.
To Western media: this isn’t reform.
Khamenei just ordered a harsher crackdown, yet women keep resisting.
As one woman… pic.twitter.com/2cN531edrg

— Masih Alinejad 🏳️ (@AlinejadMasih) December 5, 2025

Өз кезегінде, Иран билігі бұл жағдайды қалыптасқан тәртіпке қайшы келетін әрекет деп бағалады. Желіде тараған бейнелерден кейін жергілікті билік марафонның екі ұйымдастырушысын қамауға алған.

Бұған дейін Қырғызстанда балаларын аяусыз ұрған әйелге қылмыстық іс қозғалғанын жазғанбыз.