Польша президентіне берілген лас көлікке байланысты Латвия сынға қалды

Латвия әуежайында Польша президенті Кароль Навроцкийдің сапары кезінде болған оқиғадан кейін әлеуметтік желілерде дипломатиялық жанжал өршіп кетті, деп хабарлайды Zakon.kz.

Әлеуметтік желілерде Ригадан поляк делегациясын алып кеткен автокөліктің суреттері тарады. Белгілі болғандай, мемлекеттік сапармен Латвияға келген Польша президентіне әуежайда лас күйдегі көлік берілген. Бұл туралы Inbox.lv басылымы жазды.

Көліктің фотосуреті мен оған қатысты жағымсыз пікірлер әлеуметтік желілерде кеңінен тарап, қызу талқыланды.

‼️🇱🇻🇵🇱 The President of #Poland was given a dirty car during his state visit to #Latvia.

A scandal erupted, and the Polish authorities called it a disgrace. In response, Latvia stated that it was simply raining, and there was no car wash at the airport. pic.twitter.com/VguZkQqPc0

— Maimunka News (@MaimunkaNews) December 14, 2025

Польша Сыртқы істер министрлігінің өкілі Мацей Вевиорстың айтуынша, делегацияны тасымалдау — қабылдаушы елдің міндеті. Ол сондай-ақ Польша елшілігі сапарды ұйымдастыруға ғана ықпал еткенін, ал көліктің жағдайына жауапты болмағанын атап өтті.

Дипломаттың сөзінше, оқиға болған күні – 11 желтоқсанда Ригада жаңбыр жауған, ал әуежай аумағында автожуу қызметі болмаған.

Бұған дейін Сиднейдегі қанды шабуылда қаза тапқандардың саны 16 адамға жеткенін жазғанбыз.