Анголада алтын кеніші опырылып, ондаған адам қаза тапты

Анголаның солтүстігіндегі Бенго провенция аймағында заңсыз алтын кенішінде болған көшкін салдарынан кемінде 28 адам қаза тапты, деп хабарлайды Zakon.kz.

Xinhua агенттігінің жергілікті билікке сілтеме жасап жазуынша, қаза болғандардың 13-і бір отбасының мүшелері болған. Сонымен қатар тағы екі адамның із-түзсіз жоғалғаны айтылды. Қазіргі уақытта іздестіру-құтқару жұмыстары жалғасып жатыр.

Жергілікті әкімдік марқұмдардың отбасыларына қажетті көмек көрсетіліп жатқанын мәлімдеді.

Полиция өкілі Гаспар Луиш Инасиудің айтуынша, апат орнында құтқару операциялары әлі де жалғасуда.

🚨SHOCKING | Major explosion at the Liushenyu coal mine in China's Shanxi province leaves at least 82 dead

Rescue operations are still underway, with a mine inspection robot carrying gas sensors and a live camera feed sent underground to assist search teams pic.twitter.com/XYeiXsyJVO

— The Tatva (@thetatvaindia) May 24, 2026

Ал Бенго орталық ауруханасының мәліметінше, кемінде үш зардап шегуші ауруханаға жеткізіліп, ем қабылдап жатыр.

"Олардың жағдайы тұрақты. Науқастар рентген тексеруінен өтті және дәрігерлердің бақылауында. Естері анық, басқа емханаларға ауыстыру қажеттілігі жоқ", – деп мәлімдеді дәрігерлер.

Бұл ретте, қаза тапқандар саны әлі де өсуі мүмкін екені айтылды. Кеніш аумағындағы іздеу-құтқару жұмыстары жалғасуда.

Бұған дейін Пәкістанда теміржолда жарылыс болып, 16 адам қаза тапқанын жазғанбыз.