Рим маңындағы оқ-дәрі шығаратын зауытта жарылыс болып, алапат өрт тұтанды

Римнің оңтүстігінде орналасқан Коллеферро қаласындағы ірі оқ-дәрі өндіретін кәсіпорнында өрт шығып, жарылыс болды, деп хабарлайды Zakon.kz.

ANSA басылымының мәліметінше, жарылыс бүгіндері KNDS Ammo Italy компаниясына тиесілі бұрынғы Simmel Difesa зауытында болған.

Бұл компания құрлық және әскери-теңіз күштеріне арналған орташа және ірі калибрлі оқ-дәрілерді, сондай-ақ аэроғарыштық зымырандарға арналған қатты отын шығарады.

Алдын ала мәліметтер бойынша, жарылыс оқ-дәрі ұнтақтарын сығымдау цехында болған.

Оқиға орнында бірнеше өрт сөндіру бригадасы жұмыс істеп жатыр, алайда әзірге олар өртті сөндіруге кірісе алмай отыр.

⚫️Il procuratore di Velletri ha aperto un fascicolo d'inchiesta per fare luce sull'esplosione di oggi presso la KNDS Ammo Italy a Colleferro (RM).

L'ipotesi di reato formulata al momento è quella di incendio. Le indagini si concentrano sul reparto di pressatura dell'esplosivo. pic.twitter.com/HU3Ju8O5tm

— Italia 24H Live 🔴 – Notizie dall'Italia (@Italia24HLive) August 13, 2026