Илон Маск Twitter-дегі барлық аккаунт блоктан шығарылатынын хабарлады

Twitter, әлеуметтік желі, сурет - Zakon.kz жаңалық 25.11.2022 15:00

Сурет: unsplash

Илон Маск бұғатталған Twitter аккаунттары келесі аптада қалпына келтірілетінін айтты, деп хабарлайды Zakon.kz.

Әлеуметтік желінің иесі Илон Маск Twitter-дегі парақшасында "жалпы рақымшылық" енгізу туралы бөлісті.

Бұған дейін Маск заңды бұзған және спам жіберген аккаунттарды қоспағанда, жалпы рақымшылық қолдану-қолданбау туралы сауалнама жүргізген еді. Сауалнамаға жауап берушінің 72%-ы "керек" деп дауыс берді.

"Халық таңдады. Рақымшылық келесі аптада басталады", - деп жазды Маск Twitter-де.

Бұған дейін Маск Twitter желісіндегі барлық қолданушыға ескерту жасаған еді. Басқа бір есіммен отыратын барлық пайдаланушыға біржола тыйым салынады. Егер бұрын Twitter есептік жазбаны бұғаттау алдында ескертулер берген болса, енді "ескертулер болмайды".

Еске салайық, Илон Маск Twitter-ді қазан айының соңында басқарды. Мәміле құны - 44 миллиард доллар.

Оқи отырыңыз