Әлеуметтік желіде Шымкенттегі кафенің бірінде болған атыстың видеосы жарияланды, деп хабарлайды Zakon.kz.
29 қазанда Шымкент қалалық полиция департаментінің 102 шұғыл байланысына белгісіз біреулер Арғынбеков көшесіндегі кафеге кіріп, бірнеше рет оқ атқаны туралы хабар келіп түсті. Қазіргі уақытта оқыс оқиға орнында бір адам қайтыс болып, түрлі дәрежедегі жарақат алған 5 адам ауруханаға жатқызылғаны мәлім.
Оқиға орнын тексеру кезінде қылмыс қаруы табылып, тәркіленді. Барлық қажетті сараптамалар тағайындалды. Бұл оқиғаға қатысты ҚР Қылмыстық кодекстің 99-бабы, 2 тармағы, 1-бөлімі және 287-бабы, 4 тармағы бойынша сотқа дейінгі тергеу ісі қолға алынды.
Күдіктілердің кім екені анықталды.