Үш ескі мотоциклге мінген браконьерлер Ми-8 тікұшағын артқа тастап, қашып бара жатыр. Осындай видео желіде тарап жатыр. Қылмыскерлер үш аяқты мотоциклмен қашып барады, қорқып тұрған түгі жоқ, керісінше көңілді, мәз-майрам, деп хабарлайды zakon.kz azh.kz-ке сілтеме жасап.
Атырау облысының полиция басқармасы рейд кезінде тікұшақпен жүрген су полициясы қызметкерлері қала маңындағы Еркінқала ауылы төңірегінен үш мотоциклге мінген күдікті адамдарды байқаған. Олар Каспий теңізіндегі балықты заңсыз аулаушылар болуы әбден ықтимал. Полициядағылар қылмыскерлерді қуып жете алмағандарын мойындады.
Сағатына 200 шақырым жылдамдықпен ытқитын әуе кемесі жаман үш мотоциклге жете алмауы деген бір түсініксіз дүние екен.