Қарағанды облысында жолда жүк көлігі аударылып қалды, деп хабарлайды zakon.kz.
14 желтоқсанда Бұқар жырау ауданында, Алматы-Екатеринбург тас жолының 995-ші шақырымында, Қарағандыдан 11 шақырым қашықтықта МАЗ көлігі жолдан шығып, жол жиегіндегі шұңқырға аударылды. Салдарынан шамамен 15 тонна көлеміндегі күкірт қышқылы 20 шаршы метр ашық алаңға төгілді, - деп хабарлады Қарағанды облыстық ТЖД баспасөз қызметі.
Апат салдарынан жарақат алған 1971 жылғы көлік жүргізушісі ауруханаға жатқызылды. Жарақаты - орташа ауырлық дәрежесінде.
Апат болған жол учаскесінде Қарағанды облыстық ТЖД, жергілікті полиция қызметі, ҚР ТЖМ әскери бөлімі және Экология департаментінің 19 қызметкері мен 4 техника жұмыс істеді.