Алматы облысында жол апаты орын алып, бір келіншек мыжылған көлік ішінде қысылып қалды, деп хабарлайды zakon.kz.
25 тамызда Республикалық жедел-құтқару жасағының кезекші бөліміне жол апаты орнынан қоңырау түсті. Қарасай ауданы, Райымбек ауылындағы Сүйінбай көшесінде екі көлік бетпе-бет соғысып, бір келіншек мыжылған көліктердің бірінде қысылып қалды, деп хабарлады ҚР ТЖМ "РЖҚЖ" МК баспасөз қызметі.
Оқиға орнына алты адамнан тұратын РЖҚЖ жедел тобы аттанды.
Оқыс оқиға орнына жеткен құтқарушылар бір келіншектің ауыр жағдайда екенін анықтады, одан қан кетіп, аяғы сынған.
Жолаушы алдыңғы орындық пен құрылғы панелінің арасына қыстырылып, қалып қойған. Аққан қанды тоқтату үшін шаралар қабылдаған құтқарушылар гидравликалық құралдың көмегімен келіншекті босатып, жедел жәрдем қызметкерлеріне тапсырды, деп хабарлады департаменттен.