Есік қаласында автокөлік сатып алмақ болған жігітке қарақшылық шабуыл жасады, деп хабарлайды zakon.kz.
Еңбекшіқазақ ауданы ПБ кезекші бөліміне аудандық аурухананың қабылдау бөлімінен 33 жастағы Алматы қаласының тұрғыны шағымданды. Қарақшы оның арқасынан пышақ жарақатын салып, қашып кеткен.
Келген полицейлер бұл фактіні анықтап, іздестіру шараларын бастады.
Күдікті сатып алушымен кездесуде суық қару қолданғаны белгілі болды. Ол жәбірленушінің Toyota Camry 70 автокөлігін сатып алуға арналған шамамен 10 млн теңге көлеміндегі ақшасын жымқырған, – деп хабарлады Еңбекшіқазақ ауданы ПБ бастығы Жақсылық Алтынбаев.
Кездесу және ақша аудару Есік қаласында өткен.
Қарақшы тез ұсталды. Оны куәгерлер мен жәбірленуші таныды. Ол Есік қаласының 22 жастағы тұрғыны болып шықты. Қазіргі уақытта оған қатысты ҚР ҚК 192-бабы 4-бөлігі 1-тармағы "Қарақшылық" бойынша қылмыстық іс қозғалды. Ұсталған азамат қылмыс жасағанын мойындап, УҰИ-ға қамалды, деп толықтырды Жақсылық Алтынбаев.
Бақытжан Отарбаева