Құлсары қаласында төтенше жағдай қызметкерлері ерекше құтқару операциясын жүргізді. Олар футбол алаңының қоршауы арасында қыстырылып қалған жылқыны құтқарды, деп хабарлайды Zakon.kz.
5 қарашада Құлсары қаласының тұрғыны Төтенше жағдайлар департаментіне хабарласып, жануардың қыстырылып қалғанын айтып көмек сұраған.
Оқиға орнына жеткен құтқарушылар Т.Әбілқайыров көшесінде орналасқан үйдің шағын футбол алаңының қоршауы мен сарайдың қабырғасы арасында жылқының қыстырылып, өздігінен шыға алмай қалғанын анықтады. Төтенше жағдайлар қызметкерлері құтқару техникасын пайдалана отырып, футбол алаңының қоршауын кесіп тастады, — деп хабарлады Атырау облысы Төтенше жағдайлар департаментінің баспасөз қызметі.
Құтқарылған жылқы бірден есін жиды.
Құтқарушылар тұрғындарға малдарын қараусыз қалдырмауды сұрайды.