«Первый канал» телеарнасы «ВИД» телекомпаниясымен арадағы келісімшартты ұзартпады. Бірақ Wheel Of Fortune – Леонид Якубовичпен бірге «Наше Поле Чудес» шоуы деген атауға ие болды, деп хабарлайды Zakon.kz.
«Первый канал» телеарнасы ұзақ жылдар бойы өздерінде жұмыс істеген әріптестеріне алғыс білдірді. Себебі «Поле чудес» шоуы телевидение тарихына енген үздік жобалардың бірі болып қала бермек.
«Первый канал» телеарнасы Wheel Of Fortune капитал-шоуын шығарған CBS компаниясынан ресми құқықтарды иелену туралы келісімге қол жеткізді. Ал 2022 жылдың қаңтарынан бастап «Первый канал» телеарнасының эфирінде жұма күндері Ресейдің Халық әртісі және бағдарламаның көркемдік жетекшісі Леонид Якубовичпен бірге "Наше поле чудес" шоуы көрермендерге жол тартады. «Первый канал» телеарнасының баспасөз қызметі
«Поле чудес» – ресейлік сүйікті әрі тарихы терең хабарлардың бірі. Бағдарламаны алғаш эфирге шығарған авторлар Влад Листьев пен Анатолий Лысенко екенін айта кету керек. 30 жыл эфирде үзіліссіз шыққан бағдарламаның мың жарым шығарылымы болған көрінеді.