Бұл туралы сервисті жасаушылардың ресми парақшаларының бірінде айтылды.
Жаңашылдық Twitter сайтында және Android платформасына арналған мобильді қосымшада пайда болады, ал бұрын бұл функцияға тек iOS операциялық жүйесінің пайдаланушылары ғана қол жеткізе алды.
Twitter дизлайкты тестілеуді өткен жылы бастаған болатын. Сонымен қатар, компания осы функция түрін атауда "дизлайк" сөзін пайдаланбауға шақырады.
Сарапшылар функция қарапайым болып көрінгеніне қарамастан, оны енгізу көп ойлануды қажет еткенін атап өтті. Өйткені адамдар бұл функцияны бір-біріне деген көңіл толмаушылықты білдіруі үшін пайдалануы мүмкін. Ал бұл арадағы мақсат - адамдардың қарым-қатынас сапасын жақсарту. Алдын-ала жүргізілген сынақтар пайдаланушылардың бұл функцияны қорлайтын немесе қолайсыз деп қабылдаған жағдайларда басатындығын көрсетті.