Синоптиктер Солтүстік Қазақстан облысының шығысында түнде бұрқасын болады деп болжайды. Облыстың оңтүстік-батысында тұман түседі деп күтіледі. Оңтүстік-батыстан жел соғады, түнде ол облыстың оңтүстігіне, одан кейін шығысына ойысады, екпіні 15-20 м/с жетеді.
Күндіз Петропавлда оңтүстік-батыстан жел соғады, екпіні 20 м/с жетеді.
Батыс Қазақстан облысының солтүстік-шығысында, шығысында тұман түседі. Оңтүстік-шығыстан жел соғады, күндіз облыстың оңтүстігінде оның екпіні 15-20 м/с жетеді.
Түнде және таңертең Оралда тұман түседі.
Түркістан облысының оңтүстігінде тұман түседі. Шығыс, оңтүстік-шығыстан соққан желдің екпіні таулы аудандарда 15-20 м/с-қа дейін жетеді.
Күндіз Маңғыстау облысының батысында, сондай-ақ Ақтауда көктайғақ болады деп күтіледі.
Ақтөбе облысының солтүстік-батысында, орталығында тұман түседі. Оңтүстіктен, оңтүстік-шығыстан жел соғады, күндіз облыс орталығында соққан желдің екпіні 15 м/с жетеді.
Ақтөбеде түнде және таңертең тұман түседі.