Бұл туралы шаһардың Түрксіб ауданының тұрғыны, қалалық ПД-нің басшылығына жолдаған алғыс хатында хабарлады.
«Күндіз менің үйіме терезе арқылы бейтаныс адам кірді. Үйде адам болады деп ойламаған сияқты. Мені көріп қалғаннан кейін, ол тез шегінді. Бірақ бірден полиция капитаны Е.У.Ташев пайда болды. Ол қаскөйді ұстады. Осыдан кейін жедел уәкіл белгісіз адамның жедел-іздестіруде және бақылауда болғанын түсіндірді. Осы қызметкердің кәсіби және адами қасиеттерін Алматы полициясының басшылығына жеткізуді азаматтық борышым деп білемін. Қол астындағыларыңыздың арасында осындай қызметкерлер көп болса екен деп шын жүректен тілейміз», - деді, алматылық өз хатында.