Болгария, Солтүстік Македония және Черногория Ресей СІМ басшысы Сергей Лавровтың ұшағы үшін әуе кеңістігі жабық екенін мәлімдеді. Енді Сербия Президенті РФ министрінің 6-7 маусымға жоспарланған сапарына байланысты логистика мәселесімен айналысуға мәжбүр.
Рим Папасы "адамзатты жоймауға" және Украинадағы әскери әрекеттерді тоқтатуға шақырды. Папа мемлекет басшыларын келіссөздер үстел басында бас қосуды сұрады.
Австрия канцлері Карл Нехаммер Украинаның ЕО-ға кіруінің аралық кезеңін енгізуді ұсынды. Оның айтуынша, қазір Украинаның ЕО-ға толық мүшелігі мәселесі өзекті болып табылмайды, бірақ Киев пен Еуропалық Одақ "дайындық аймағы" шеңберіндегі ынтымақтастықты нығайту үшін жұмыс істеуі керек.
Швеция мен Финляндия Түркияның шарттарын орындамайынша НАТО-ға кіре алмайды, - деді түрік президенті Режеп Тайып Ердоған. Сондай-ақ, Түркия басшысы БҰҰ-да реформа жүргізу идеясын қолдайтынын атып, әлем ұйымның Қауіпсіздік Кеңесінің бес тұрақты мүшесінен де көп екенін еске салды.