Ақтөбе облысында шопанды найзағай соқты: оның қандай жарақат алғаны мәлім болды

Ақтөбе облысының ТЖД болған оқиғадан кейін найзағай кезіндегі қауіпсіздік ережелерін еске салды: биік ағаштар мен электр желілерінің жанында болмау, суға шомылмау, металл конструкцияларға қол тигізбеу және жақындамау, деп хабарлайды Zakon.kz.

Ақтөбелік дәрігерлер найзағай соққан шопанның жағдайын айтты. Оның денесінің 15 пайызын күйік шалған, деп хабарлайды «Мой ГОРОД».

24 шілде күні сағат 06:50-де 41 жастағы ер адам ауруханаға жеткізілді. Мұғалжар ауданындағы Ембі маңында мал бағып жүргенде оны найзағай соққан.

Ақтөбе облысының денсаулық сақтау басқармасы оның оң қолын, кеудесін, қабырғасын және оң аяғын күйік шалғанын айтты. Зардап шегушінің жағдайы тұрақты, орташа ауырлықта.