Бизнес субъектілеріне бірінші жартыжылдыққа арналған оңайлатылған декларацияны (910.00-нысан) 2022 жылғы 15 тамызға дейін тапсыру қажет екенін еске саламыз.Мемлекеттік кірістер комитеті
Жалпы, 910.00 нысанындағы салық есептілігін оңайлатылған декларация негізінде арнаулы салық режимін қолданатын салық төлеушілер ұсынуы қажет.
Декларацияны ұсыну тәсілдері:
«Салық төлеушінің кабинеті» веб-қосымшасы (cabinet.salyk.kz);
СОӨЖ ақпараттық жүйесі (бағдарламаны МКК сайтынан тегін жүктеп алуға болады);
қағаз түрінде;
Halyk Bank мобильді қосымшасының 2022 жылғы 1 тамыздан бастап оңайлатылған салық декларациясын ұсынуға арналған жаңа сервисі.
Комитет өкілдері есептілік тапсырудың соңғы күндерінде ақпараттық жүйе мен байланыс арналарына жүктеменің артуын болдырмау мақсатында салық есептілігін алдын-ала ұсынуға кеңес берді. Одан бөлек, декларация ұсыну мерзімдерін ұзартуға болатынын еске салды.
Жалпы, 2022 жылғы 1 шілдедегі жағдай бойынша оңайлатылған декларация негізінде арнаулы салық режимін қолданатын салық төлеушілер саны – 1 187 554, оның ішінде дара кәсіпкерлер – 1 047 586, заңды тұлғалар – 139 968.