Жиында "Самұрық-Қазына" қорының басқарма төрағасы "ҚазМұнайГаздың" IPO қорытындысына жеке тоқталды.
"Кеше директорлар кеңесі мен үкіметтің ҚМГ акцияларын иеліктен шығару туралы түпкілікті шешімі қабылданды. Өтініштер 9 қараша мен 2 желтоқсан аралығында қабылданды. Қазақстан азаматтарының өтініштерін қанағаттандыруға басымдық берілді. Азаматтарымыздан келген өтініштердің жалпы саны - 128,7 мың. Жалпы сомасы - 74,6 млрд теңге". Алмасадам Сәтқалиев
Ол 2023-2024 жылдары қор IPO/SPO-ға көбірек портфельдік компанияларды – "Air Astana", "KEGOC", "Самұрық-Энергоның" жасыл активтерінің портфелі – QazaqGreenPower plc жобалық компаниясын шығаруды жоспарлап отырғанын айтты. 2024-2025 жылдары – ҚазақГаз. Ал 2025 жылы – Қазақстан темір жолы.